Заковат клуби аъзоларининг мотивацияси ва молиявий ҳолати

«Заковатда пул берадими?» — Заковат клубига аъзо бўлганимга 17 йил тўлган бўлса, шу давр ичида ушбу саволни минг марталаб беришган. Танишлар ҳам, нотанишлар ҳам. Заковат кўрсатувида чиққан барча билимдонларга доим бериладиган савол шу — «Кўрсатувда чиққанингиз учун сизларга пул беришадими?».

20 йил давомида Заковатда билимдонларга деярли ҳеч қандай пул берилмаган. Бунинг учун тайинли шароит ҳам бўлмаган. Аксинча биз клубнинг турли харажатлари учун ёнимиздан ҳар ойлик "взнос" пули тўлардик.

Шу жавобдан кейин яна савол беришарди — «Унда сенга нима зарил?».

Биз Заковатга пул учун бормаганмиз. Биз Заковатга янги билимлар, адреналин, ҳаяжон, кураш ва ғалаба қувончи учун борамиз. Биз Заковатга билимли дўстлар учун борамиз. Биз Заковатга юқоридаги видеода тасвирланган азарт учун борамиз.

20 йилдан сўнг интеллектуал ҳаракат мана энди қўллаб-қувватланишни бошлади. Сабрнинг таги олтин, дегани шу бўлса керак. Аллоҳга шукр.

Мен қаттиқ ишонаман, илм йўлидаги бу ҳаракатларимиз албатта натижа беради.

👉 @xushnudbek 👈