Юнусободдаги кўп қаватли уйда томдан сув ўтиши муаммоси
Xushnudbek.uzVideo2 daqiqa0Manba:Daryo — LIVE
Юнусободнинг Чинобод кўчасидаги тўққиз қаватли уйларнинг 9-қаватдаги квартираларига «сел келди». Ишониш қийин, лекин бу факт. Энг аламлиси, биласизми, нима? Бу сўнгги уч кун ичида бу квартираларда юз берган иккинчи тошқин — биринчи 3 июндаги жалалар вақтида юз берган.
«Муаммонинг ечими оддий — томда йиғилган сувни тортиб кетадиган қувурнинг ичи чиқиндидан тозаланса, сув пастга кетади. Битта тросс билан нари борса бир—бир ярим соатда тўғриласа бўладиган муаммо, лекин шу ҳам қилинмади», — дейди жабрланувчи фуқаролардан бири.
Мурожаат қилсанг тўғриланади-да, дейишингиз мумкин. 3 июндаги тошқинлардан кейин бир эмас, бир неча марта мурожаат бўлганига шубҳа йўқ. Чунки томдан ўтган сув биргина 9-қаватдаги квартирани эмас, балки 8, 7, 6 ва ҳатто 5-қаватдаги хонадонларни ҳам бўктирган.
