Си Цзиньпин Шавкат Мирзиёевга мактуб йўллади

ХХР Раиси Си Цзиньпин Ўзбекистон Президенти Шавкат Мирзиёевга мактуб йўллабди. Бу ҳақида ЎзА хабар бермоқда.

Мактубда Шавкат Мирзиёевнинг Хитой Халқ Республикаси ташкил топганининг 69 йиллиги муносабати билан йўллаган самимий табриги учун Си Цзиньпин чуқур миннатдорлик билдирган.

Унда хусусан қуйидагича таъкидланади:

"Сиз билан Циндао шаҳрида ШҲТ саммити доирасидаги учрашувимизни тез-тез эслайман, ушбу учрашувдан сўнг икки томонлама муносабатларни ривожлантириш бўйича биз қабул қилган янги режалар босқичма-босқич ҳаётга татбиқ этилмоқда.

Мен Хитой – Ўзбекистон алоқаларини ривожлантиришга алоҳида эътибор қаратаман, ўртамизда шаклланган амалий муносабатлар ва шахсий дўстликни юксак қадрлайман. Хитой ва Ўзбекистон ўртасидаги ҳар томонлама стратегик шериклик муносабатларини мамлакатларимиз ва халқларимиз фаровонлиги йўлида изчил ривожлантиришни рағбатлантириш мақсадида бундан буён ҳам Сиз билан яқиндан ҳамкорликни давом эттиришга умид қиламан."

Мактуб сўнггида ХХР Раиси давлатимиз раҳбарига мустаҳкам соғлик, бахт-саодат, Ўзбекистон халқи фаровонлиги йўлидаги олижаноб фаолиятида улкан муваффақиятлар тилаган.

Каналга уланиш: 👇
https://t.me/joinchat/AAAAAEe1KDC7Hm03UPVooQ