Вазирлар Маҳкамаси масъулиятини ошириш чоралари белгиланди

Вазирлар Маҳкамасининг масъулиятини оширишга оид 2019 йил 28 январдаги Президент Фармонига биноан:

2019 йил 1 апрелдан бошлаб:

👉 Бош вазирнинг ўринбосарлари, вазирлар ва давлат қўмиталари раислари лавозимларига номзодлар Олий Мажлис Қонунчилик палатаси томонидан маъқулланади;

👉 ушбу номзодларни кўриб чиқиш ва маъқуллаш жараёнида улар истиқболга мўлжалланган мақсадли ҳаракатлар режаларини тақдим этадилар;

👉 Бош вазир Ҳукумат аъзолари билан биргаликда ҳар чоракда Олий Мажлис палаталарига Президентнинг Олий Мажлисга Мурожаатномасидан келиб чиқадиган тегишли йилга мўлжалланган давлат дастурининг амалга оширилиши тўғрисида ҳисобот тақдим этади;

👉 2019 йил 1 майга қадар вазирликлар, давлат қўмиталари, Ҳукумат тузилмасига кирувчи идоралар ҳамда хўжалик бошқаруви органларини янада ихчамлаштириш ва фаолиятини такомиллаштириш бўйича комплекс чора-тадбирлар дастури ишлаб чиқилади.

👉 янги таҳрирдаги «Ўзбекистон Республикаси Вазирлар Маҳкамаси тўғрисида»ги қонун лойиҳаси тайёрланади;

👉 «Стратегик режалаштириш тўғрисида»ги қонун лойиҳаси ишлаб чиқилади;

👉 вазирликлар, давлат қўмиталари ва бошқа давлат бошқаруви органлари ходимларининг меҳнатига ҳақ тўлаш тизимини халқаро стандартлар ва нормаларга мувофиқ такомиллаштиришни назарда тутувчи Президент қарори лойиҳаси ишлаб чиқилади.

Каналга уланиш: 👇
https://t.me/joinchat/AAAAAEe1KDC7Hm03UPVooQ