Ўзбекистон матбуот эркинлиги рейтингида 133-ўринни эгаллади
Xushnudbek.uzMatn2 daqiqa0tahrirlanganЎзбекистон матбуот эркинлиги рейтингида илк марта 133-ўринда қайд этилди
«Чегара билмас мухбирлар» (Reporters Without Borders) ташкилоти жаҳон мамлакатларида матбуот эркинлигини баҳолаб боради. Мазкур ташкилот 180 та мамлакатни ўз ичига олган 2022 йилги рейтинг жадвалини эълон қилди. Жорий йилда Ўзбекистон рейтингда яхшигина юқорилаган ва ўз ўрнини 24 поғонага яхшилаб, 133-ўринни эгаллаган. Маълумот учун, ўтган йили Ўзбекистон 157-ўринда қайд этилганди.
Қўшниларимизда энг яхши натижа Қирғизистонда (72-ўрин), ундан кейин Қозоғистон (122) ҳам биздан олдинда. Биздан кейинги ўринларда Тожикистон (152), Афғонистон (156) ва Туркманистон (177) ўрин олган.
Ташкилотнинг Ўзбекистонга бағишланган саҳифасида яхши ўзгаришлар билан бир қаторда ҳали бартараф этилиши керак бўлган камчиликлар ва танқидий хулосалар ҳам билдирилган.
Ўзбекистоннинг сўнгги 10 йилдаги ўринлари:
2013 — 164-ўрин
2014 — 166-ўрин
2015 — 166-ўрин
2016 — 166-ўрин
2017 — 169-ўрин
2018 — 165-ўрин
2019 — 160-ўрин
2020 — 156-ўрин
2021 — 157-ўрин
2022 — 133-ўрин
2022 йилги матбуот эркинлиги рейтингида кучли ўнталикни Норвегия, Дания, Швеция, Эстония, Финляндия, Ирландия, Португалия, Коста-Рика, Литва ва Лихтенштейн давлатлари эгаллаган. Эътиборли жиҳати узоқ йиллар биз билан бирга СССР таркибида бўлган Эстония ва Литва давлатлари катта сакрашни амалга ошириб, дунё бўйлаб кучли ўнталикка киришган.
Энг охирги ўринларни эса Сурия, Ироқ, Куба, Вьетнам, Хитой, Мьянма, Туркманистон, Эрон, Эритрея ва Шимолий Корея эгаллаган.
👉 @xushnudbek 👈
- 👍 1042
