Трамп Абу Бакр ал-Бағдодий йўқ қилинганини маълум қилди
«У ит каби ўлим топди» — Трамп ал-Бағдодий йўқ қилинганини маълум қилди
ИШИД’ жангарилари раҳнамоси, ўз шафқатсизлиги билан ажралиб турган ва Яқин Шарқда «халифалик» тузган Абу Бакр ал-Бағдодий америкалик ҳарбийлар томонидан ўтказилган амалиёт натижасида ўлдирилди. Бу ҳақда Дональд Трамп ўзининг расмий мурожаатида маълум қилди, деб ёзмоқда “Kun.uz”.
Дональд Трамп ИШИД раҳбари Абу Бакр ал-Бағдодий Сурия ҳудудида ўтказилган махсус амалиёт натижасида йўқ қилингани ҳақида маълум қилди.
«Ўтган кеча АҚШ жаҳоннинг биринчи рақамли террористига нисбатан адолатни қарор топтирди. Абу Бакр ал-Бағдодий ўлди. У дунёдаги энг шафқатсиз ва зўравон террорчилик ташкилоти – ИШИДнинг асосчиси ва етакчиси эди», деди Трамп махсус мурожаатида.
Трампнинг Оқ уйдаги нутқи жаҳоннинг кўплаб агентликлари томонидан трансляция қилинди.
АҚШ президентининг сўзларига кўра, экспертиза натижалари авиазарба оқибатида ўлдирилганлар орасида ал-Бағдодий ҳам бўлганини тасдиқлаган.
У ўзини портлатган
Трамп ал-Бағдодий қандай ўлгани ҳақида аниқлик киритди. Унинг айтишича, у «қўрқоқларча қочган» ва ўз белидаги портловчи қурилмаларни портлатиб юборган. У ал-Бағдодийнинг яқинлари, жумладан уч бола у билан бирга ҳалок бўлишганини қўшимча қилган.
«У худди ит каби ўлим топди. Дунё янада хавфсизроқ», — деди Трамп баёноти сўнггида.
Трамп мазкур амалиётда иштирок этганларнинг барчасига, биринчи навбатда америкалик ҳарбийларга, шунингдек Россия, Туркия, Ироқ, Сурия ва курдларга миннатдорчилик билдирган.
❗️Маълумот учун: Ўзбекистонда ИШИД расман террористик ташкилотлар рўйхатига киритилган.
👉 @xushnudbek 👈
