Тўйда келинни урган куёвга нисбатан маъмурий иш қўзғатилди

Тўйда келинни урган "мард" куёвтўрага қарши маъмурий иш қўзғатилди

2022 йил 6 июнь куни Сурхондарё вилояти Узун туманида бўлган никоҳ тўйи маросимида келин ва куёвга ўралган ҳолда ширинлик берилиб, уни ким биринчи бўлиб очиш ўйини ўтказилган.

Ўйинда келин биринчи ширинликни очганлиги сабабли бу ҳолатдан куёвнинг жаҳли чиқиб келинни бир маротаба урган.

Мазкур ҳолатда Узун тумани ИИБ томонидан фуқаро Х.Р. (куёв) га нисбатан Маъмурий жавобгарлик тўғрисидаги кодекснинг 183-моддаси (майда безорилик) билан маъмурий иш қўзғатилиб, тўпланган ҳужжатлар кўриб чиқишлик учун судга юборилди.

Бундан ташқари, куёв ва келин ҳамда уларнинг ота-оналари билан профилактик суҳбат ўтказилди, дейилади Бош прокуратура хабарида.

Аввалроқ бу видео 2 йил олдин олингани, ҳозир уларнинг алоҳида оиласи борлиги ҳақида хабарлар тарқалганди, лекин бу ўз исботини топмади, бу яқинда бўлган воқеа экан. Суратдан кўриниб турибдики, келин-куёв бирга яшамоқда. "Ўзбекчилик" деб қўйишибди буни.

👉 @xushnudbek 👈