Тошкент марказидаги Матбуотчилар кўчаси қайта очилади

​Тошкент шаҳар Ички ишлар бош бошқармаси хабар беришича, марказдаги Матбуотчилар кўчаси очилар экан. Энди Зарафшон ресторанидан тўғри Амир Темур хиёбони айланма йўлига тушиб кетилади, дея хабар бермоқда Davletov.uz канали [https://t.me/davletovuz/2677]

Юридик университет ёнидан ўтган ушбу йўл бизнинг талабалик пайтимизда очиқ бўларди. Кейинчалик 2010 йиллармикин, аниқ эсимда йўқ, Амир Темур хиёбони атрофини реконструкция қилиш баҳонасида ёпиб ташлашган эди. Шу йўлнинг қайта очилса анча яхши бўлади ҳақиқатдан. Чунки "Зарафшон" ресторани олдидан "Курант" томонга на "Билайн"нинг кўчасидан чиқиб бўларди, на Юридик университет олдидан. Роса айланиб юришга тўғри келарди.

Ўзи Тошкент шаҳридаги "очиқ йўллар" акцияси зўр кетяпти. Бўғилиб қолган шаҳар нафас олишни бошлаяпти. Айтганча, кўпчилик Давлат хавфсизлик хизмати (аввалги МХХ) биноси олдидаги "ғишт" белгиси олиб ташланиб, бир томонлама йўл статусидан икки томонламага ўтганлигидан кўпчилик бехабар экан, масалан.

Каналга уланиш: 👇
https://t.me/joinchat/AAAAAEe1KDC7Hm03UPVooQ