Сергели ва Яккасаройни боғловчи янги трасса очилди

Сергели ва Яккасарой туманларини боғлайдиган 2 километрлик трасса қуриб битказилди

Бугун Чўпонота кўчасидан Тошкент ҳалқа йўлигача бўлган 2 километрлик трасса ҳаракатланиш учун очилди.

Кичик ҳалқа йўли ва Салор канали устида қурилган ушбу кўприкнинг узунлиги 788 метрни ташкил этиб, Тошкент ҳалқа йўлига туташган жойида иккита 207 метрлик йўл ўтказгич барпо этилган.

6 қаторли янги кўприк ва йўл соатига 12 мингтагача автотранспортни ўтказиш қувватига эга бўлади. Натижада Сергели туманига транспорт қатнови тирбандлиги 50 фоизга, ҳаракат вақти 20–25 дақиқага камаяди.

Ҳозирда лойиҳанинг иккинчи босқичи ҳам давом этмоқда. Тошкент ҳалқа йўлидан Қипчоқ кўчасигача бўлган 4 километрдан зиёд йўл қуриш ишлари олиб борилмоқда.

👉 @xushnudbek 👈