Тошкентдан Россияга қўшимча авиақатновлар қўйилди

Тошкентдан Москва ва Санкт-Петербургга қўшимча авиақатновлар амалга оширилади

Uzbekistan Airways «йўловчилар орасида талаб ортиши муносабати билан» Тошкентдан Россиянинг Москва ва Санкт-Петербург шаҳарларига қўшимча авиақатновларни амалга оширади.

Тошкент—Москва—Тошкент йўналиши бўйича қўшимча рейслар 9—14 март кунлари, Тошкент—Санкт-Петербург—Тошкент йўналиши бўйича эса 11, 13, 14 март кунлари ташкил этилади.

Аввалроқ Uzbekistan Airways 13 ва 20 март кунлари Тошкент—Екатеринбург—Тошкент йўналиши бўйича, 9, 16 ва 23 март кунлари эса Тошкент—Новосибирск—Тошкент йўналиши бўйича қўшимча авиақатновлар қўйилишини маълум қилганди.

Маълумот учун, Россиянинг «Аэрофлот», S7 Airlines, iFly, Nordwind, AZUR Air, Smartavia авиакомпаниялари Ўзбекистонга парвозларни тўхтатган; Россия авиакомпанияларидан фақат Ural Airlines ва Red Wings Ўзбекистонга учишда давом этмоқда.

👉 @xushnudbek 👈