Тошкентда пропискани 1-бандга ўтказиш тартиби
11-банд билан пропискага кирганлар Тошкентдан уй сотиб олса, 1-бандга ўтадими?
Бир муштарий билан пропискага оид суҳбатни эълон қилмоқчиман. Ушбу суҳбатдан биргина хулоса қилиш мумкин: масъулларга инсоф кираётгани рост бўлсин...
3 июль:
— Ассалому алайкум Хушнудбек. 11-банд билан 2012 йил Тошкент шаҳрига доимий рўйхатга ўтганман. Тавсиянома асосида. 2015 йил номимга уй сотволдик ва турмуш ўртоғим ва икки нафар фарзандимзни ҳам доимий рўйхатга кириттик. Агар фуқаро Тошкент шаҳрида 3 йил яшаб номига уй сотиб олса, 1-банд асосида рўйхатга алмаштирилиши керак эди. Бир неча маротаба туман паспорт стол бўлимига учрашганимда 1-бандга ўтказилмаслиги бўйича рад жавобини олдим. Бу ҳолатда қандай йўл тутган маъқул?
— Паспорт столга ёзма ариза беринг, 1-бандга ўтказишни сўраб. Улар ёзма жавоб беришсин. Кун.уздаги мана бу мақолани ўқиб чиқиб, дастлабки қадамларни бажаринг. Паспорт стол рад қилувчи ёзма жавоб беришса, қолганини кейин гаплашамиз.
— Менинг даъвоим асослими?
— Ҳа, асосли.
— Аризада нималарни киритишим керак?
— Ортиқча нарса шарт эмас. Фалон пайти 11-банд билан пропискага кирганман, фалон пайти уй олганман. Мени 1-банд билан пропискага ўтказишингизни сўрайман, десангиз кифоя.
— Порталга нусхасини юборишим керакмисми?
— Йўқ, шартмас. Паспорт столга обориб, битта нусхасини бериб, иккинчисига имзо қўйдириб, ўзизга олиб қолинг.
— Катта раҳмат сизга, янада умид бердиз.
8 июль:
— Assalomu alaykum, Xushnud katta rahmat sizga! Allohim siz kutgan yaxshiliklar bilan siylasin ilohim. Arizam ijobiy hal qilindi va 1-bandga almashtirish bo'yicha ko'rsatma berildi. Erta -indin pasportimni olaman.
— Ваалайкум ассалом. Ишингиз ҳал бўлганидан хурсандман.
9 июль:
— Assalomu alaykum, Xushnud paspotni oldim va'da qilganimdek screenni yuboryapman.
— Сиз билан бўлган суҳбатни каналда эълон қилсам майлими? Ҳеч қандай исм-шариф ва маълумотларсиз. Шунчаки 11-банд билан кириб, уй олганлар 1-банд билан кира олиши ва бунинг учун ариза ёзишлари кераклиги ҳақида.
— Bemalol. Faqat tartibi quyidagicha bo’ladi:
1. Shaharga borish kerak. 1- band faqat shahar ruxsat bersagina jarayon boshlanadi. Tuman orqali topshirilganda protses ancha cho'zilishi mumkin. Rayonga uchrashganimda xozir tartib o‘zgardi, shaharga borib topshirsangiz kutib qolmasligimni aytishti. Imkoni boricha Shahar migratsiya boshqarmasi rahbari qabuliga kirish maqsadga muvofiq, men aynan shunday qildim.
2. Ijroga yo'naltirgandan so'ng tumanga kelib 11-banddan chiqib, 1- band bo'yicha ro'yxatga qo'yish hujjatlarini rasmiylashtirish ularni tilida ubitya va pribitya.
3. Ro'yxatdan chiqqanlik to'g'risida kvitansiya va qayta 1-band bn ro'yxatga kirish bo'yicha hujjatlar to'plamini olib shaharga topshiriladi.
4. Shahar hujjatlar rasmiylashtirilib pechat bosilganda telefon qiladi.
Суҳбат тугади. Яшасин, қонун устуворлиги!
P.S.: ёки ростдан масъулларга инсоф киряпти, ёки кетма-кет судларда ютқазгандан кейин кўзи очиляпти. Қонун ҳужжатларига ҳурматсизлик қилишни қачондир тўхтатиш кераклигини тушунишаётгандир балки.
❗️ЭСЛАТМА: 2, 5, 9—11-бандларига мувофиқ Тошкент шаҳри ёки Тошкент вилоятида доимий прописка қилинган фуқаролар доимий прописка қилинган (лавозимида турган) кундан бошлаб уч йил ўтгандан кейин турар жой сотиб олган тақдирда, улар ва улар билан бирга Рўйхатнинг 2, 5, 9 — 11-бандларига мувофиқ Тошкент шаҳри ёки Тошкент вилоятида доимий прописка қилинган фуқаролар ушбу турар жойга Рўйхатнинг 1-банди бўйича доимий прописка қилинади.
👉 @xushnudbek 👈
