Тошкентда коронавирусга чалинган 61 ёшли бемор вафот этди
⚡️Тўққизинчи ўлим: коронавирус аниқланган 61 ёшли тошкентлик бемор вафот этди
1959 йилда туғилган пойтахтлик Г. шу йилнинг 15 апрель куни Республика шошилинч тиббий ёрдам илмий марказига бош мия қон айланишининг ўткир бузилиши (инсульт) билан ётқизилган. Ўтказилган тезкор диагностик таҳлиллардан сўнг беморда “Covid-19” коронавирус инфекцияси ҳам аниқланган. Шундан сўнг, у Тошкент тиббиёт академиясининг кўп тармоқли клиникасига оғир ҳолатда ўтказилган.
Бемор 14 кун сунъий нафас олиш аппаратида бўлган. Бундан аввал, яъни 2 февралда у илк бор инсульт ташхиси билан Республика шошилинч тиббий ёрдам илмий марказига ётқизилган ва даволаниб чиққан.
Ўтказилган муолажаларига қарамасдан 61 ёшли бемор ўткир респиратор дисстрес синдром, ўткир нафас етишмовчилиги, ўпка-юрак етишмовчилигидан вафот этди.
Юртдошимизни Аллоҳ ўз раҳматига олган бўлсин. Қолган беморларга ўзи шифо берсин.
👉 @xushnudbek 👈
