ТЕСТ-2020: абитуриентларнинг илк таассуротлари
Xushnudbek.uzMatn1 daqiqa0Manba:UzA | Tezkor xabarlar
ТЕСТ-2020: абитуриентларнинг илк таассуротлари
Аввал хабар берганимиздек, Олмазор тумани Талабалар шаҳарчаси сайилгоҳида тест синовлари давом этмоқда.
Белгиланган муддатдан олдин саволларга жавоб беришга улгурган айрим абитуриентлар бирин-кетин чиқиб ҳам келмоқда. Уларни суҳбатга тортдик.
– Мен тест синовларида иштирок этиш учун Тошкент вилоятидан келдим. Математика, кимё йўналишида беш олийгоҳни танлаганман. Фавқулодда вазиятлар вазирлиги академияси, Тошкент кимё-технология институти, Тошкент давлат техника университети ва бошқалар. Карантин саба уйда тайёрланган эдим. Саволлар жуда мураккаб эмас. Билмаганларим ҳам бўлди, албатта. Тест жараёни шаффоф ўтяпти. Гуруҳ кузатувчилари абитуриентларни назорат қилмоқда, – деди Улуғбек Турғунбоев.
– Мактабни тамомлаб биринчи йил олий ўқув юртига ҳужжат топширган эдим. Тестларнинг илк куни билимимни синаб кўрдим. Математика, кимё йўналишини танлагандим. Яхши тайёрланмаганим учунми тестлар бироз қийинлик қилди. Эртага дастлабки натижани кўрамиз. Омадим келган бўлса шу йил талабалар сафидан жой оламан, – деди бўкалик Алижон Бурлибоев.
– Ўтган йили Ўзбекистон Миллий университетига ҳужжат топшириб кира олмаган эдим. Бир йил тайёрландим. Математика, кимё йўналишидаги олийгоҳларга ҳужжат топширдим. Тест жараёнида бизга ручка, сув ва юз ниқоби беришди. Саволлар осонлаштирилади дейишган эди. Ўқимаган одамга барибир қийинлик қилади. Айрим саволларга тахминан жавоб бердим, – деди Шоҳида Хайруллаева.
Хуршид Қодиров,
ЎзА
Каналга уланиш:
➡️ @uzauz
