ТДЮУга қабул жараёнида техник хатоликлар кузатилмоқда

ДТМ диққатига!
#abituriyent

Қабул жараёнларида Тошкент давлат юридик университети билан боғлиқ муаммо кузатилмоқда экан. Маълум қилишларича, ДТМ базасида ТДЮУга кириш баллари кетма-кетлиги ҳалигача ўтган йилгида қолиб кетган. Натижада абитуриентларнинг рўйхатдан ўтганлик қайд варағига тарих (3,1), она тили (2,1), чет тили (1,1) тарзда ёзув киритилмоқда.

Бундан ҳам қизиғи, ТДЮУга топширган абитуриентлар ҳам 3 та ОТМга топшириб кетишмоқда. Масалан, илова қилинаётган суратдан кўриш мумкинки, абитуриент ТДЮУ билан бирга Педагогика ва Шарқшуносликка топширган.

Фанлар кетма-кетлигини танлашга мўлжалланган ДТМ сайтидаги махсус саҳифада - mvdir.dtm.uz ҳам ТДЮУ блоки эски йилдагидек турибди.

Таълимга масъуллардан илтимос, фанлар кетма-кетлигини яна бир бор қайта кўриб чиқиш керак, бу каби хатолар халқ орасида тушунмовчилик ва норозиликларни келтириб чиқариши мумкин.

P.S.: жорий йилги тестлар учун барча фан блоклари тасдиқландими? Ёки давлат қабул комиссиясининг қароринини кутиб туришибдими?

👉 @xushnudbek 👈