Bahodir Po‘latov Xitoyda 257 million dollarlik shartnomalar imzoladi
Фақат абитуриентлар ҳақидаги хабарлардан зерикканлар учун (озгина чидайсизлар энди, узр).
Сурхондарё вилояти ҳокими в.б. сифатида иш бошлаганига ҳали 1 ой ҳам бўлмаган собиқ прокурор Баҳодир Пўлатов Хитойга сафар қилишга улгурибди.
Сафар давомида Сурхондарё ва Сичуань ишбилармон доираларининг 140 дан зиёд вакиллари иштирокида савдо-иқтисодий форум ташкил этилиб, «Бойсун-фарм» эркин иқтисодий зонаси ҳақида маълумотлар берилибди.
Хитой сафари якунида йирик саноат корхоналари билан умумий қиймати 257 миллион долларлик шартномалар имзоланибди.
Сурхон воҳаси охирги йилларда жуда бир ҳокимларга ёлчидими дейман. Эркин Турдимовни “дод, ҳеч кимга бермаймиз” дея Самарқандга кузатиб қўйишганди. Кўрамиз, янги ҳоким ҳам шу даражада халқ меҳрини қозона олармикин. Олинган хабарларга кўра, бошланиши жуда яхши дейишмоқда.
Катта ишонч билдирилган ҳамма ҳалол раҳбарларга омад ва куч-қувват тилаймиз!
Каналга уланиш: 👇
https://t.me/xushnudbek
