Спорт ҳафталик дайжести: Одил Аҳмедов фаолиятини якунлади
Спорт. Ҳафталик дайжест.
⚽️Футбол. Одил Аҳмедов футболчилик фаолиятини якунлаганини эълон қилди. «Пахтакор» клуби 25-рақамни Одил Аҳмедовга абадий топширди.
🏋🏻♂️Оғир атлетика. Тошкентда бўлиб ўтган жаҳон чемпионатида Акбар Жўраев даст ва силтаб кўтаришда 1-ўринни, Руслан Нуруддинов даст кўтаришда 3-ўринни, силтаб кўтаришда 2-ўринни қўлга киритди. Аёл спортчилардан Турсуной Жабборова даст кўтаришда 1-ўрин, силтаб кўтаришда 2-ўринга эга чиқди;
🥊Бокс. Пойтахтимизда бўлиб ўтган профессионал бокс кечасида 7 нафар ўзбекистонлик боксчи — Исроил Мадримов, Шаҳрам Ғиёсов, Ҳасанбой Дўстматов, Бектемир Мелиқўзиев, Иқболжон Холдоров, Элнур Абдураимов ҳамда Дилшод Рўзметовлар рингга чиқди ва уларнинг барчаси ғалаба қозонди;
⚽️Футбол. UEFA Чемпионлар лигаси, Европа лигаси ҳамда Конференция лигасининг плей-офф босқичига қуръа ташланди. Чемпионлар лигасининг қуръаси хатолик бўлгани сабаб ўша куннинг ўзидаёқ қайтадан ўтказилди.
- 👍 6