Блогерлар чемпионати тақдирлаш маросими тафсилотлари

​​Блогерлар чемпионатининг ўзи бир қизиқ бўлди, унинг тақдирлаш маросими ундан ҳам қизиқ воқеаларга бой бўлди.

Масалан, Шукуржон Исломовнинг шов-шувларга сабаб бўлган "Нима(га) керак маънавият?" номли блогпости (http://blog.xabar.uz/post/nima-ga-kerak-ma-naviyat) якунда махсус номинация билан тақдирланди. Уни ким тақдирлади, денг? Республика маънавият ва маърифат маркази раҳбари, депутат Алишер Қодировнинг шахсан ўзлари марказ номидан совға билан тақдирлади. "Биз Сизнинг ушбу блогпостингизни мароқ билан ўқиб чиқдик" деган пайти бутун йиғилганларнинг беихтиёр юзларига табассум югуриб, кулгу аралаш қарсак чалиб юборишди )))

Хуллас, якунда маънавиятчиларни кескин танқид қилган блогер ва Маънавият ва маърифат маркази ўртасида дўстлик ғалаба қозонди. Биз шундан хурсандмиз. Расмий ташкилотлар конструктив танқидларни ижобий қабул қиладиган замонларга яқинлашяпмиз, ўртоқлар.

Суратда: Шукуржон Исломов ва Алишер Қодиров

Каналга уланиш: 👇
https://t.me/joinchat/AAAAAEe1KDC7Hm03UPVooQ