Олий таълим муассасаларида қабул жараёнлари бошланди

Барча юртдошларимизга мурожаат!

Бугун, 16 июнь.

Республикамиздаги олий таълим муассасаларида қабул жараёнларига старт берилди. 15 июлгача ҳужжатлар қабул қилинади.

Кўпнинг дуоси ўтади дейишади. Шундай муқаддас кунларда дуо қилайлик:

• илоҳим, жорий йилда ҳақиқатда яхши ўқиган, ўз устида ишлаган, билим олиш учун машаққат чеккан абитуриентлар талаба бўлишсин;

• ота-онасининг пулига ёки мансабига ишонган, кўчада тараллабедод қилиб, шаталоқ отиб юрган, қўлига бир марта ҳам китоб ушламаган, калласи хумдай бўм-бўш бўлган такасалтангларнинг омади юришмасин, имтиҳондан йиқилсину, лекин қалбида илм олишга бўлган иштиёқ пайдо бўлсин;

• пора эвазига миллат келажагини ҳам, виждонини ҳам ўртага тикиб, сотиб юбормоқчи бўлган масъуллар, мўмай даромад эвазига қинғирликларга тайёр бўлган кўчадаги "олғирлар"нинг иши тескарисидан келсин, ҳаммаси жазосини олсин;

• таълим тизимини ривожлантириш учун, адолатни таъминлаш учун жон-жаҳди билан курашаётган, кечасию кундузи тиним билмай меҳнат қилаётган мансабдор шахсларнинг кучига куч қўшилсин, ғайратига ғайрат. Мана шундай виждонли раҳбарлар таълим тизимида кўпаяверсин.

Каналга уланиш: 👇
https://t.me/joinchat/AAAAAEe1KDC7Hm03UPVooQ