Муаллифлик ҳуқуқи ва Раис бува лойиҳасининг фейклари

​​@RaisBuva_uz деган канал бор. Жамиятдаги муаммолар, халқнинг дардини Раис бува сиймосидаги карикатуралар орқали кўтариб чиқади. Раис бува ҳаттоки Адлия вазирлиги билан расман ҳамкорликда туркум карикатураларни эълон қилиб боради.

Лекин тайёрига айёр чиқувчилар ҳам бисёр. Қайсидир лойиҳа ривожланиб бораверса, бир пасда унинг фейкларини яратиш бошланади ёки ғояни ўғрилаб, уёқ-буёғини “шпаклёвка” қилиб, тезда ўзлаштиришади.

Раис буванинг муваффақиятидан кейин Қўчқорвой дегани ҳам чиққанмиш. Худди шу формат, худди шу услуб, сиёмо ҳам деярли бир хил, фақат номини ўзгартиришибди холос. Бизда муаллифлик ҳуқуқи бир чеккада қон йиғлаб ўтиради доим. Ўзгалар меҳнатини ҳурмат қилиш маданияти ачинарли аҳволда.

Майли, ҳар не бўлсада, Сиз танловда адашманг. Оригиналини танланг.

👉 @RaisBuva_uz каналига обуна бўлиш эсдан чиқмасин.