Ўзбекистон Қонун устуворлиги индексида 94-ўринни эгаллади

​​Қонун устуворлиги бўйича 94-ўриндамиз

Қонун устуворлиги индексида (Rule of Law Index-2019) Ўзбекистон 126та давлат орасида 94-ўринни эгаллади.

Мамлакатимизнинг рейтингдаги ўрни ўтган йилгига қараганда 2 поғона яхшиланган. Лекин бу индексда Ўзбекистоннинг қонун устуворлиги бўйича кўрсаткичлари яхшиланганини билдирмайди. Ўтган йилги рейтингда Ўзбекистон 91-ўринда эди. Бу йилгисида эса 94-ўринда қайд этилди.

Унда нега 2 поғона яхшиланди дейилган? Ташкилотчилар буни рейтинга 13та янги давлат қўшилгани билан изоҳлашмоқда. Яъни ўтган йили Ўзбекистон 113та давлат орасида 91-ўринда эди, бу йил 126та давлат орасида 94-ўринда. Тақрибан олинганда бу ўтган йилгидан бироз яхши кўрсаткич дегани.

Бундан ташқари Эроннинг натижалари ўтган йилгига қараганда кескин пасайиб, биздан ҳам пастга тушиб кетди. Мана шу 2 фактор натижасида Ўзбекистоннинг рейтингдаги жойлашуви (кўрсаткичи эмас) 2 поғонага яхшиланди, дейиш мумкин.

Аммо юқорида айтганимиздек, Ўзбекистон рейтинг балли ўтган йилги билан бир хил - 0,46 (максимал 1 балл).

Шарқий Европа ва Марказий Осиё минтақасида Ўзбекистон 13та давлат орасида 12-ўринда қайд этилган. Фақат Туркиягина биздан орқада.

Марказий Осиёда энг яхши кўрсаткични Қозоғистон қайд этган (умумий рейтингда 65-ўрин), ундан кейин Қирғизистон (85-ўрин) ўрин олган. Тожикистон ва Туркманистон умуман рейтинга киритилмаган.

Рейтинг пешқадамларида ўзгариш бўлмаган. Ҳалиям Дания 1-ўринда бормоқда. Кучли ўнликда Норвегия, Финляндия, Швеция, Нидерландия, Германия, Австрия, Янги Зеландия, Канада, Эстония давлатлари бор.

Каналга уланиш: 👇
https://t.me/joinchat/AAAAAEe1KDC7Hm03UPVooQ