Қашқадарёда карантин чекловлари юмшатилмоқда

Самарқанд ва Наманган – “қизил ҳудуд”. Шу сабабли ушбу вилоятларда карантин чекловлари сақлаб қолинади.

Сурхондарё – “сариқ ҳудуд” деб топилди.

Қашқадарё эса – “яшил ҳудуд”. Вилоят матбуот хизматининг хабар беришича, шу сабабли Қарши шаҳрида ўрнатилган бир қатор чекловлар эртадан, яъни 7 май санасидан бекор қилинади. Жумладан:

- эртадан Қарши шаҳрида йўналишсиз таксиларга рухсат берилади (3 кишидан ошмаган йўловчи билан, карантин қоидаларига амал қилган ҳолда);

- аммо, «ДАМАС» автомашинаси ва автобусларга рухсат берилмайди;

- шахсий автомобилларда, мотоцикл, скутер ва велосипедларда карантин қоидаларига риоя қилиб Қарши шаҳар ичида стикерсиз 24 соат давомида ҳаракатланишга (мақсадли) рухсат берилади;

- сартарошхоналарга ҳам рухсат берилади;

- cавдо дўконларига ҳам рухсат берилади (бунда маҳсулотларни ташқарига ёймаган ва карантин қоидаларига амал қилган ҳолда);

- меҳмонхоналар фаолиятига рухсат берилади (нонуштасиз ва карантин қоидаларига амал қилган ҳолда).

👉 @xushnudbek 👈