Қаршида газ чақнаши оқибатида икки киши ҳалок бўлди

Чақнаш натижасида содир бўлган ҳолат бўйича маълумот

Қашқадарё вилояти Фавқулодда вазиятлар бошқармасининг хабар беришича, бугун соат 08:10ларда Қарши шаҳар “Отчопар” МФЙда жойлашган уйларнинг бирида газ-ҳаво аралашмасининг чақнаши юзага келган. Оқибатда бинонинг деворлари тўлиқ қулаган.

Воқеа жойига вилоят Фавқулодда вазиятлар бошқармасининг ёнғин-қутқарув гуруҳи зудлик билан етиб бориб, қидирув-қутқарув ишларини олиб борган. Афсуски, ушбу ҳодиса оқибатида икки нафар фуқаронинг жасади вайрон бўлган уй ичидан олиб чиқилган.

Маълум бўлишича, вайроналар остидан олиб чиқилган икки нафар фуқароларнинг бири хонадон эгасининг ўғли (2005 йилда туғилган) иккинчиси жияни (2007 йилда туғилган) эканлиги маълум бўлди. Бошқа жабрланган оила вакиллари йўқ. (Оила тўлиқ кўчиб келмаган)

Мазкур ҳолат юзасидан суриштирув ишлари олиб борилмоқда, унда қурилиш ишларидаги камчиликлар ҳам ўрганилади.

👉 @xushnudbek 👈