Ўзбекистонда 20 сўмлик купюра йўқлиги маълум қилинди

Ўзбекистонда 20 сўмлик купюра йўқ — Марказий банк

Ижтимоий тармоқларда ўзбек сўмининг муомалага киритилганининг 20 йиллиги муносабати билан 20 сўмлик купюра чиқарилгани ҳақида видео тарқалди.

Марказий банкнинг хабар беришича, бунақа пул белгиси чиқарилмаган.

Видеодаги намуна Марказий банк томонидан эмас, балки “Давлат белгиси” корхонаси томонидан 2014 йилда юбилей сана муносабати билан корхонанинг реклама маҳсулоти (сувенир) сифатида чиқарилган.

Бу банкнот ҳеч қандай қиймат ўлчовига эга эмас (унда сўм ёзуви қайд этилмаган), муомала ва тўлов воситаси сифатида фойдаланишга мўлжалланмаган.

👉 @xushnudbek 👈