Оксана Чусовитина фахрий унвон билан тақдирланди

Шавкат Мирзиёев Оксана Чусовитинанинг ўзбек спортига қўшган улкан хизматларини инобатга олиб, «Ўзбекистон Республикасида хизмат кўрсатган спорт устози» фахрий унвони билан тақдирлади.

«Бундай афсонавий спортчимиз билан ҳақли равишда фахрланамиз», - деди Президент.

Шунингдек, Вазирлар Маҳкамасига Оксана Чусовитина ва Баҳодир Жалоловнинг спорт маҳорати мактабини ташкил этиш ва уларнинг фаолияти учун барча зарур шароитлар яратишга топшириқ берди.

"Ҳурматли Оксана Александровна, Ватанимизга бўлган меҳрингиз ва садоқатингиз, спортдаги фидойилигингиз, букилмас ирода ва матонатингиз учун сизга яна бир бор катта миннатдорчилик билдираман", - деди Президентимиз.

P.S.: юқоридаги сурат 2017 йилда олинган. Ўшанда Оксана Чусовитина «Эл-юрт ҳурмати» ордени билан мукофотланган эди. Шунингдек, ўтган йили 8 март байрами муносабати билан унга «Ўзбекистон ифтихори» фахрий унвони берилганди.

👉 @xushnudbek 👈