Metsenat.uz лойиҳасида грантларга ариза топшириш тартиби

Кўпчилик сўрамоқда: metsenat.uz лойиҳасида қандай иштирок этиш мумкин?

Кеча Кун.уз интернет нашри журналистика соҳасида ўқийдиган талабалар учун таълим гранти эълон қилган эди. Шундан сўнг, кўпчилик ушбу танловда қандай иштирок этиш, қанақа ҳужжатлар кераклиги, уларни қаерга юбориш ҳақида саволлар бера бошлади.

Ҳозир шуни қисқача тушунтириб ўтмоқчиман:

1️⃣ Энг аввало Metsenat.uz сайтига киринг ва рўйхатдан ўтинг;

2️⃣ Рўйхатдан ўтгач, шахсий анкетангизни тўлдиринг, сўралган маълумотларни киритинг, керакли ҳужжатларни юкланг;

3️⃣ Сўнгра сайтда эълон қилинган грантлардан бирини танланг (ариза қабул қилиш муддати тугамаган бўлиши керак);

4️⃣ Ўша грант саҳифасида "Ариза топшириш" тугмасини босинг ва онлайн ариза юборинг.

❗️Бўлди! Бошқа нарса талаб қилинмайди.

Ушбу тизимнинг қулайлик томони шундаки, бир марта ҳафсала қилиб, анкетангизни тўлиқ тўлдириб чиқсангиз, кейин исталган грантга бемалол ҳужжат топшираверасиз. Ҳар сафар янги ҳужжат йиғиш ёки қаёққадир юбориш шарт бўлмайди.

Эслатма: бу таълим гранти фақат ҳозир ўқиётган талабаларга тааллуқли. Ҳали ўқишга кирмаганлар ўз-ўзидан бу грантда қатнаша олмайди (айримлар Кун.уз бизни грантга ўқишга киритиб қўяркан деб тушунибди).

Ҳозирда Metsenat.uz лойиҳасида қуйидаги грантлар учун аризалар қабул қилинмоқда:

👉 KunUz нашри томонидан журналистика соҳасида таҳсил олаётган талабалар учун 58 млн сўмлик грант
Квота: 20 та
Аризалар: 49 та

Батафсил: https://metsenat.uz/uz/grants/68?type=grant

👉 «Project Managers» МЧЖ томонидан ўзлаштиришидан қатъи назар бўлажак IT мутахассислари учун эълон қилинган 20 млн сўмлик грант.
Квота: 5 та
Аризалар: 245 та

Батафсил: https://metsenat.uz/uz/grants/65?type=grant

👉 Шунингдек, Қашқадарё вилояти ҳокимлиги томонидан қайси ҳудудда ўқиётганидан қатъи назар қашдарёлик талабалар учун инновацион лойиҳаларга йўналтирилган ижтимоий грант эълон қилинган. Унда 1 млн сўмдан 100 млн сўмгача (!) бюджетга эга бўлган бирорта инновацион лойиҳа тақдим қилиш керак. Вилоят ҳокимлиги маъқул бўлган лойиҳани сотиб олади, яъни молиялаштиради. 6 та йўналиш бўйича жами 18 нафар ғолибга мўлжалланган ижтимоий грантнинг умумий миқдори 1 млрд 800 млн сўмни ташкил қилмоқда!

Ғояси бор, инновацион лойиҳани ўйлаб юрган қашқадарёлик талабалар учун зўр имконият бу!

Батафсил: https://metsenat.uz/uz/grants/67?type=grant

❗️Талабалар учун грант ёки стипендия эълон қилишни истаган саховатпеша ҳомийларни эса ҳамкорликка чорлаб қоламиз. Унутманг, илмга тикилган инвестиция энг тўғри қарор ва у жамият учун жуда катта фойда олиб келиши шубҳасиз.

👉 @xushnudbek 👈