Мактабларда хорижий нашриёт дарсликлари жорий этилади
Янги ўқув йилидан мактабларга хорижий нашриёт дарсликлари жорий этилади
2022/2023 ўқув йилидан бошлаб умумтаълим мактабларига жами 45 номдаги Кембридж нашриётининг Инглиз тили ва Информатика дарсликлари нашр этилади.
Инглиз тили фани бўйича “Guess what” дарслиги 1-6-синфларга ва “Prepare” номли дарсликлари 7-11-синфарига ҳамда Информатика ва ахборот технологиялари бўйича дарслиги 5-11-синфлар умумий ўрта таълим мактабларига кейинги ўқув йилидан бошлаб жорий қилинади.
Жами 385 минг дона Кембридж нашриёти томонидан ишлаб чиқилган 10 млн АҚШ доллари қийматидаги ушбу ўқув-методик мажмуалар дарслик, машқ дафтари ва ўқитувчилар учун қўлланмалардан иборат.
Натижада Ўзбекистонда 6,5 миллион нафардан зиёд ўқувчилар юқори сифатли дарсликлардан, ўн минглаб ўқитувчилар эса қўлланмалардан фойдаланиш имкониятига эга бўлади.
👉 @xushnudbek 👈
