Мактаблар учун антисептик ва пирометрлар харидлари таҳлили
Xushnudbek.uzMatn2 daqiqa0Manba:davletovuz
Карантин, мактаблар ва давлат харидлари
Инқирозга қарши жамғармадан мактабларни масофадан ҳарорат ўлчовчи аппаратлар, дозатор ва антисептик воситалари билан таъминлаш учун 17 млрд сўм ажратилган. Ушбу маблағлар ҳисобидан ҳудудий халқ таълими бошқармалари мазкур харидларни амалга оширмоқда.
Қашқадарё вилояти халқ таълими бошқармаси 160 минг сўмдан 613,9 млн сўмлик жами 3837 та пирометр (Buyuk Yurt Tayanchi МЧЖ, корхона шу йилнинг 11 июнь куни ташкил этилган), 3,116 млрд сўмлик антисептик воситалар (Macro wholesale trading МЧЖ — 1; 2; 3;) сотиб олинган. Дарвоқе, Macro wholesale trading МЧЖ эгаси Норхўжаев Шуҳрат бўлиб, у юқоридаги антисептикларни харид қилиш учун тижорат таклифлари билан чиққан яна бир корхона — “IRON PROF” МЧЖнинг ҳам эгаси. Яна бир тижорат таклифи берган “ILHOM PROF” МЧЖ раҳбари бошқа киши бўлса-да, корхонанинг контакт маълумотлари Macro wholesale trading МЧЖ билан бир хил. Шунингдек, бошқарма томонидан 696 млн сўмлик 663 мингта бир марталик маска ("Yunon pharm" МЧЖ 1; 2;) харид қилинган. Бу корхонага ҳали қайтамиз.
Самарқанд вилояти халқ таълими бошқармаси 2355 та масофавий термометрни 150 минг сўмдан жами 353 млн 250 минг сўмга ( "BILLUR PHARM LUX" МЧЖдан), 1 млрд 926 млн сўмга эса антисептик воситаларини ("Yunon pharm" МЧЖдан 1; 2;) харид қилган. Дарвоқе, "Yunon pharm" МЧЖ Қашқадарё вилояти халқ таълими бошқармасига 696 млн сўмлик бир марталик маска етказиб берган эди. Корхона 2019 йил 15 июнда давлат рўйхатидан "Beton Stroymax" сифатида ўтказилган, 2020 йилнинг 14 августида эса "Yunon pharm" МЧЖга айланган.
Бухоро вилояти халқ таълими бошқармаси 200 минг сўмдан жами 732,2 млн сўмга 3661 та сенсорли дозатор олган (“Бухоро Дори-Дармон” ). 800 млн сўмга эса антисептик раствор (“Шохрўд” АЖ), 150 минг сўмдан жами 171 млн сўмга 1141 та пирометр олган ("Бухоро Дори-Дармон”).
Сирдарё вилояти халқ таълими бошқармаси эса 1000 та электрон инфрақизил термометрни 184 минг сўмдан жами 184 млн сўмга ("FARG`ONA TIBBIYOT BUYUMLARI" МЧЖ — 2020 йилнинг 27 июлида очилган), пульверизатор, маска, антисептик, хлор воситаларини 1,1 млрд сўмга (NEW INAVATSION PHARM МЧЖдан 1; 2;) харид қилган.
Фарғона вилояти халқ таълими бошқармаси 4 мингта дозаторни 202 минг сўмдан жами 808 млн сўмга ("Universal ishlab chiqarish majmuasi" УКдан харид қилган, ушбу корхонанинг таъсисчиси эса "Qonun va ijro gazetasi" МЧЖ. Газетанинг сайти), 1 млрд 199 млн сўмлик антисептик ва пульверизаторни харид қилган ("BREND TORG LIDER" МЧЖдан 1; 2; 3;)
