Мактаблар очилиши бўйича ота-оналар сўровномаси натижалари
Xushnudbek.uzAlbom2 daqiqa0
Ота-оналар ўртасида ўтказилган онлайн сўровномага 1 кунда 24 минг 773 та жавоб келиб тушди.
«Мактаблар ўз фаолиятини сентябрь ойидан анъанавий шаклда тиклашини истайсизми?» деган саволга 50% ота-оналар - ҳа, 50%и - йўқ, деб жавоб беришди. Мутлоқ тенглик!
«Мактаблар қайси санадан ўз фаолиятини қайта тиклашини истайсиз?» деган саволга 48,6% "пандемиядан кейин", 23,7%и 7 сентябрдан, 18,6%и 14 сентябрдан, 9,1% жавоб берувчилар эса, 2 октябрдан дея белгилашган.
51,2% ота-оналар мактаблар фаолияти коронавирус пандемияси тугамагунига қадар тикланса, фарзандини мактабга юбормаслигини билдирган бўлса, 48,8%и юборишга рози бўлган.
Ниқоб тақиш ва антисептик масаласида 93,6% ҳамда 94,7% овоз берувчилар розилик билдиришган.
Респондентларнинг 20,4%и Тошкент шаҳридан, 13,2%и Тошкент вилоятидан, 9,2%и Фарғона, 9%и Қашқадарё, 6,5% Самарқанд, 6,3%и Бухоро, 5,9%и Наманган, 5,6%и Хоразм ва бошқа ҳудудларда яшашини билдирган.
Сўровнома давом этади.
👉 @xushnudbek 👈
