Jurnalist ва блогерлар ўртасида Заковат финали бўлиб ўтади

Бугун — финал!

Бугун, соат 18:00 дан бошлаб, журналист ва блогерлар ўртасида ўтказилган “Заковат” турнирининг финали бўлиб ўтади. Унда 3-ўрин учун “Фиеста” ва “Creativ team” жамоалари куч синашади.

Чемпионлик масаласи эса “Energy” (юқоридаги суратда чап томонда) ҳамда “Миллион илинжида” (суратда ўнг томонда) жамоалари ўртасида ҳал бўлади. Финал ёниши кутилмоқда!

Иккала финалчилар ҳам интеллектуал ўйинлар учун бегона эмас. Жумладан, улар ҳар ҳафта бўладиган Quiz ўйинларига келишади. “Миллион илинжида” жамоаси блогер Нурбек Алимов сардорлигида “Alimoff Team” номи остида, “Energy” эса “Nostalgy” ҳамда “Mac Bro” номлари билан Quiz ўйинларида қатнашади.

Жорий ҳафтада ҳам улар финалга тайёргарлик сифатида иккита Quiz’да қатнашишди.

Чоршанба куни Zakovat Quiz ўйинида “Alimoff Team” 4-ўринни, “Nostalgy” эса 6-ўринни олган бўлса, пайшанба куни UzQuiz’да “Mac Bro” 2-ўринни, “Alimoff Team” эса 14-ўринни олди.

Бошқача айтганда, икки жамоа қарама-қаршилиги ва руҳий ҳужумлари аллақачон бошланиб кетган.

Кўрамиз, бугун финалда кимнинг қўли баланд келар экан.

👉 @xushnudbek 👈