Имтиёзли қўшимча квоталар қайси йўналишга қўлланади
Имтиёзли қўшимча квоталар қайси йўналишга қўлланади?
#abituriyent
ЖАВОБ: фақат биринчи йўналишга (2 та истиснодан ташқари).
Кўпчилик шу саволни бермоқда. Хабарингиз бор, айрим тоифа абитуриентлар учун умумий квотадан ташқари алоҳида квотага танлов бўлади. Масалан, ҳарбий тавсиянома олганлар, ҳарбийларнинг фарзандлари, тавсиянома олган эҳтиёжманд хотин-қизлар, Сўхлик абитуриентлар, ногиронлиги бор ёки Меҳрибонлик уйи тарбияланувчилари ва ҳ.к.
Ушбу квоталар қайси йўналишга ўтади? Танлаган бешта йўналишга ҳам қўлланадими ёки фақат биринчигами?
Давлат комиссиясининг 1-сон баёни билан ОТМ ўқишга кириш учун қўшимча қабул параметрлари ажратиладиган имтиёзга эга бўлган абитуриентлар имтиёз доирасида фақат ўзлари танлаган биринчи бакалавриат таълим йўналиши бўйича танловда иштирок этиши белгиланди.
✅ Бунда ногиронлиги бўлган шахслар ва ота-она қарамоғисиз қолган болалар учун бериладиган имтиёз бундан мустасно. Яъни мазкур имтиёзлар бешта таълим йўналиши учун ҳам ўринли.
👉 @xushnudbek 👈
