IMEI кодларини рўйхатдан ўтказиш тўловини бекор қилиш
Мобиль қурилмаларнинг IMEI кодларини рўйхатдан ўтказишда тўловларни бекор қилиш бўйича петиция эълон қилинибди.
https://petition.gov.uz/uz/petitions/view/3640
Бу тизимнинг мантиқсизлиги ҳақида кўп бора ёздик, гапирдик, лекин фойдаси бўлмади. Aхборот технологиялари ва коммуникацияларини ривожлантириш вазирлиги бу бўйича бирор тайинли реакция ҳам қилгани йўқ. Вазир иштирокида матбуот анжумани сўрадик, аммо "сен кимсану, сени талабинг нима бўларди, мен каттакон вазирман ахир" дегандек муносабат бўлди, аниқроғи ҳеч қандай муносабат бўлмади.
Ҳукуматда бирорта вакил борми, нима учун IMEI кодларни рўйхатдан ўтказишда халқдан пул олинаётганини асослаб тушунтириб бера оладиган? Халқ билан қарама-қаршилик юзага келганда, "фақат халқ айбдор" дейишга тиллари бурро инсонлар, халқдан пул олишга келганда ҳам шунақа гапга чечан бўлиб, тушунтириб берса, қандай яхши бўларди-я.
"Mенинг фикрим" порталини кўзбўямачилик деб ҳисоблашим (бунга асосларим бор) ҳақида аввал ҳам ёзганман. Лекин шундай бўлсада, келинг, бу сафар уларга яна бир марта ишониб кўрайлик (биз азалдан ишонувчан халқмизку ўзи).
Ушбу петицияга овоз беринг:
https://petition.gov.uz/uz/petitions/view/3640
10 мингта овоз йиғгач, қани кўрамиз, IMEI кодлар учун тўловларни бекор қилишармикин ёки йўқ.
👉 @xushnudbek 👈
