Хорижий экспертлар Ўзбекистон иқтисодий ислоҳотларини баҳолади

Йирик хорижий экспертлар кенгаши Ўзбекистондаги иқтисодий ислоҳотлар бўйича таҳлилий хулосалар қилиб берган. Уларнинг хизматига ким пул тўлаган?

Сенатнинг биринчи ялпи мажлисида Шавкат Мирзиёев шундай деди:

«Биз ўзимизга мос иқтисодиёт яратяпмиз, бировлардан кўчириб олганимиз йўқ. Очиқ гап, мен дунёдаги манаман деган 4 та экспертлар кенгаши бўлса, биз шуларнинг 2 тасига пул тўлаб, Бюджет кодексини қабул қилганимиз учун ҳамда охирги 2 йилдаги солиқ сиёсатимиз бўйича хулоса қилиб беришларини сўрадим. Пул бюджетдан эмас, Ўзбекистондаги катта-катта олигархларга илтимос қилдим, “оғайнилар, 5-10 млн пул беринглар, улар бизга хулоса қилиб берсин” деб. Улар хулоса қилиб берди. Кеча менга хулосалар келди. Улар қойил қоляпти. “Шу ростми” деб сўрасам, рост дейишди. Кейин уларни таклиф қилдим, улар яқинда келади.

“Ҳеч қаерда солиқ юки бундай камайиб, бюджетга тушум бундай кўпайиши 1 йилда бўлмаган, камида 5 йилда бўлган” дейишди. Буни иқтисодни билганларгина тушуна олади».

👉 @xushnudbek 👈