Иккинчи жаҳон уруши йилларини белгилаш ҳақида мулоҳазалар

Байрам арафасида телеэкранларда «1941-1945» формати трендга айлантирилганини сира тушунмайман. Иккинчи жаҳон уруши 1939-1945-йилларни ўз ичига олган. Бу тарихий факт. Русларнинг шовинистик сиёсати натижасида фақат Гитлер СССРга ҳужум қилган кундан урушни бошланган деб ҳисоблаш, бугунги кун учун актуал бўлмаслиги керак. «Қолганлар билан ишим йўқ, фақат менга тааллуқли бўлган қисминигина тан оламан» деган ғоя унчалик тўғри эмас. Мантиқан олиб қаралса, аслида СССРга ҳужум 1939 йил 1 сентябрь куни немис аскарлари Польшага киритилгандаёқ бошланганди.
Бизнинг бугунгача бўлган сиёсатимизда «Буюк ватан уруши» атамаси истеъмолдан чиқарилган эди ва менимча бу тўғри қарор бўлган. «1939-1945» форматидан фойдаланишда давом этишимиз керак. 1939-1941 йилларда уруш натижасида азият чеккан бошқа давлатларнинг миллионлаб халқи ҳаққи-ҳурмати учун ҳам шу ишни қилиш керак. Буларнинг барчаси ИМҲО, албатта.

Хотира ва қадрлаш куни муборак бўлсин! (2022 йилда қўшилган гап: 2018 йили фикрларим ўзгача бўлган экан🤔).

Юрт тинчлиги учун жонини фидо қилганларни Аллоҳ ўз раҳматига олсин, илоҳим.