DTM bazasida yangi yo‘nalish paydo bo‘lishi va texnik xato
«Ёпиқ факультет» ўйини яна қайтдими?
#abituriyent
Хабар янгиланди (20:00): ушбу ҳолатнинг сабаби техник хатолик эканлиги мана бу ерда тушунтирилди: t.me/xushnudbek/2660
Хабар янгиланди (20:28): Давлат тест маркази ушбу ҳолат бўйича расмий изоҳ бериб, техник хатолик учун узр сўради: t.me/rasmiydtm/95
Ҳозиргина муштарийлардан бири қизиқ бир ҳолатни хабар қилди.
Кеча жияни учун qabul.dtm.uz базасидан Тошкент давлат иқтисодиёт университети Самарқанд филиалидаги йўналишлар ва унга ҳужжат топширганлар ҳақида маълумотни кўриб берган. Ўшанда базада 4 та йўналиш бўлган. Тўртталасини номма-ном ўқиб, топширилган ҳужжатлар сонини айтган.
Бугун базани қарашса, йўналишлар сони 5 тага айланиб қолибди. Ва кутилмаганда рўйхатда «Иқтисодиёт: қишлоқ хўжалиги иқтисодиёти» йўналиши ҳам қўшилиб қолган. Ахир кеча йўқ эди-ку бу, дея ҳайрон бўлмоқда.
Ушбу фактни ўз каналларим орқали текшириб кўрдим, ҳақиқатдан дастлаб базада бу йўналиш бўлмаган (қўлимда асосли далиллар бор).
Буни яна бир жиҳатдан ҳам осонгина билса бўлади. Топширилган ҳужжатлар сонига қаранг: 4 та йўналишнинг ҳар бирига камида 400 та ҳужжат топширилган. Лекин бугун базада пайдо бўлиб қолган ва 25 та ўрин ажратилган йўналишга атиги 17 киши (!!!) ҳужжат топширган. Бунинг шунчаки тасодиф эканлигига ишонасизми?
Наҳотки бир неча йиллар олдин айрим ОТМларда жуда машҳур бўлган «ёпиқ факультет» усулидаги ўйин яна қайтган бўлса? Наҳотки?
Не ажабки, ушбу тасодиф бизнинг эски танишимиз – Иқтисодиёт университети билан бўлмоқда. Ҳа, ҳа, барчангизга яхши таниш бўлган ўша Нархоз!
Масъуллардан зудлик билан изоҳ кутиб қоламиз бу ҳолатга!
P.S.: самарқандлик абитуриентлар, Сиз эса қабулга қараб югуринг, тезда ушбу йўналишга ҳужжат топширинг, ёки топширган ҳужжатларингизни бошқасидан қайтариб олиб, бунга ўзгартиринг. Қилмаймиз дейишса, талаб қилинг!
Абитуриентларга оид бошқа хабарлар:
👉 @xushnudbek 👈
