Chiroqchida YPX xodimi mast bo‘lgani haqidagi gumonlar rad etildi

Чироқчида жаримага тортилган ЙПХ ходимининг маст бўлгани ҳақидаги гумонлар тасдиқланмабди

ИИВ ЙҲХББнинг Кун.узга маълум қилишича, воқеа қуйидагича бўлган:

• Чироқчи туманидаги «Микрокредитбанк» рўпарасида ўрнатилган 3.27 йўл белгиси талабларига амал қилмасдан машинасини тўхтатиб турган фуқародан ЙПХ ходими ҳужжатлар тақдим этишни сўрайди;

• ҳайдовчи автомобилни тегишли ҳужжатларсиз бошқариб юрганини маълум қилган;

• шундан сўнг ЙПХ ходими маъмурий баённома расмийлаштирган ва фуқаронинг автомашинаси жарима майдончасига олиб кетилган;

• бу пайтда ЙПХ ходими «Спарк» русумли шахсий автомашинасининг «аварийка»сини ёққан ҳолда тақиқланган жойда қолдириб кетган;

• машинаси жарима майдонига қўйилганидан жаҳлланган фуқаро воқеа жойига қайтиб келган ва инспекторнинг автомобилини кўриб, унга чора кўриш керак, деб тўпланган оломонга мурожаат қилган ва ходим шаънига ҳар хил туҳмат гаплар ёғдирган;

• сўнг ЙПХ ходимининг ўзига ҳам маъмурий баённома расмийлаштирилган;

• «аварийка»сини ёқиб кетгани учун инспекторнинг машинасида аккумулятор ўтириб қолгани сабабли эвакуаторга ортиб кетилган;

• тўпланган одамлар ЙПХ ходимини спиртли ичимлик ичганликда айблаб, видеотасвирга олган;

• лекин вилоят наркология диспансери томонидан ўтказилган текширувда инспекторнинг ҳушёр ҳолда эканлиги аниқланган.

Юқоридаги воқеалар ривожи Йўл ҳаракати хавфсизлиги бош бошқармасининг версияси, балки ҳайдовчининг ўзидан интервью олинса, умуман бошқача воқеани сўзлаб бериши ҳам мумкин.

P.S.: ома лекин ҳар сафар видеони қайта кўрганимда, қўлида телефон тутган юзлаб оломоннинг реакцияси менга кўпроқ қизиқ туюляпти. Томошаталаб шунча одам, шунча «камерачи». Бу бир ҳисобдан жуда яхши, юқорида айтганимдай жамоатчилик назорати дегани бу.

Иккинчи томондан бу ғалати, ЙПХ ходимларини оломон ўзининг ашаддий душманидай қабул қилмоқда (йиллар давомида бундай тасаввур шаклланганига ҳам фақат оломон айбдор эмас).

Ва учинчи томондан, шунча инсон ҳашар ёки ободонлаштириш бўлса, қўлига белкурак олиб бир жойга йиғилармикин?

👉 @xushnudbek 👈