Афғонистондаги вазият ва ҳокимият алмашинуви

Қатор оммавий ахборот воситалари Афғонистон (собиқ) президенти Ашраф Ғанининг мамлакатни самолётда тарк этаётган видеосини эълон қилди. Ҳозирча бу видеонинг ҳақиқийлигини текшириш имкони бўлмади.

Толибон ҳаракати "ўтиш даври ҳукумати" тузилмаслигини, ҳокимият уларга тўғридан-тўғри топширилишини айтишмоқда.

Афғонистоннинг собиқ президенти Ҳамид Карзай мамлакатда хаоснинг олдини олиш мақсадида Ҳамид Карзай, Абдулла Абдулла ҳамда собиқ дала қўмондони Гулбеддин Ҳикматёр бошчилигида координацион кенгаш тузилганини маълум қилди.

Кобулда ўғирлик ва тартибсизликнинг олдини олиш мақсадида толибон ҳарбийлари шаҳарга киришни бошлаган.