Abituriyent ruxsatnomasi kimlarga berilmasligi ma’lum qilindi

❓Aбитуриент рухсатномаси кимларга берилмайди?

Кўпчилик абитуриентлар нима учун менга абитуриент рухсатномаси чиқмаяпти деб сўрашмоқда. ДТМ ушбу масалага изоҳ берди.

Рухсатнома ҳамма абитуриентга ҳам берилмайди. Жумладан, қуйидаги тоифа абитуриентларда бундай рухсатнома чиқмайди:

👉 Тест синовларисиз тўлиқ касбий (ижодий) имтиҳон бўладиган таълим йўналишларига рўйхатдан ўтган абитуриентларга (улар ўзлари танлаган олий таълим муассасаларига мурожаат қилишлари керак);

👉 Белгиланган тартибда рўйхатдан ўтган, лекин тест синовлари учун тўловни амалга оширмаган абитуриентларга;

👉 Белгиланган тартибда рўйхатдан ўтган, лекин кейинчалик тизимдан аккаунтини ўчирган абитуриентларга;

👉 Тегишли тартибда таълим йўналишларини танлаб рўйхатдан ўтмаган фуқароларга (айрим абитуриентлар тизимга кириб, паспорт маълумотларини киритган, лекин таълим йўналишларини танлаб рўйхатдан ўтмаган);

👉 Тест синовларисиз, тўғридан-тўғри талабаликка тавсия этиладиган имтиёзга эга абитуриентларга (масалан, ҳарбий хизмат вазифаларини бажариш чоғида ҳалок бўлган ёки ногирон бўлиб қолган ҳарбий хизматчиларнинг фарзандлари).

❗️Абитуриентлар тест синовларига фуқаролик паспорти ва абитуриент рухсатномаси билан келишлари лозим.

Фуқаролик паспорти бўлмаган тақдирда абитуриент рухсатномаси ҳақиқий деб ҳисобланмайди.

👉 @xushnudbek 👈