Зироат Мирзиёева Меҳрли мактаб госпитал мактабига ташриф буюрди

“Замин” фонди Васийлик кенгаши раиси Зироат Мирзиёева Ўзбекистондаги илк госпитал мактабга ташриф буюрди. “Меҳрли мактаб” – Ўзбекистон учун янги йўналиш ҳисобланади.

“Меҳрли мактаб” - Болалар гематологияси, онкологияси ва клиник иммунологияси марказида даволанаётган болаларнинг узлуксиз таълим олишини таъминлаш мақсадида ташкил этилган.

Мактабнинг вазифаси – узоқ вақт даволанаётган ҳамда мактаб ёки боғчага бориш имконияти бўлмаган болаларнинг сифатли ва узлуксиз таълим олиш ҳуқуқини рўёбга чиқаришга кўмаклашишдир.

Ушбу мактаб “Zamin” фонди томонидан Ўзбекистон Мактабгача таълим, Халқ таълими ва Соғлиқни сақлаш вазирликлари ҳамкорлигида амалга оширилган.