Xorvatiya terma jamoasining irodali g'alabasi

Хорватия 2 сафардан буён пенальтилар сериясида ғалаба қозонмоқда. Ва икки сафарда ҳам ўта аламли вазиятда характер кўрсатишяпти.

Ёдингизда бўлса, Дания билан ўйинда қўшимча таймларнинг 116-дақиқасида Лука Модрич пенальтидан гол ура олмаган эди. Урганда ғалаба деярли нақ бўларди.
Бугун эса Россия 115-дақиқада ҳисобни тенглаштирди. Яна бир ғалаба қўлдан кетди.

Бу жамоага жуда катта руҳий зарба бўлади, рақибларга эса қўшимча куч беради.

Лекин хорватлар мана шундай қийин вазиятда ҳам асаблари жойида эканини пенальтиларда исботламоқда. Бу ҳақиқий мардлар характери! Мардлар эса ғалабага лойиқ!

Хорватия ва айниқса бугун энг яхши ўйинчи дея топилган Лука Модричга ярим финалда омад тилайман. Англия билан чиройли ўйин кўрамиз, менимча. Икки марта 120 дақиқадан кўпроқ тўп сургани ўйин шиддатига таъсир қилмайди, деган умиддаман.