Илм учун эҳсон қилинг хайрия акцияси натижалари
Хайрия акцияси маблағлари ҳақида маълумот
Ёдингизда бўлса, ижтимоий аҳволи оғир 1-2 нафар талабаларнинг контрактини тўлашга кўмаклашиш мақсадида «Илм учун эҳсон қилинг» хайрия акциясини эълон қилган эдик.
Акция доирасида 1 ой олдин ота-онаси вафот этган бир талаба укамизнинг ярим йиллик контрактини тўлаб бергандик.
Шундан кейин саҳоватпеша юртдошларимизнинг саъй-ҳаракати натижасида хайрия учун яна пуллар тушишда давом этди. Тушган пуллар қаерга сарфлангани ҳақида бугун 2 оғиз маълумот бериб қўймоқчиман.
Кеча бир талаба синглимизнинг ярим йиллик контрактини тўладик. Падари бузрукворлари август ойида хасталикдан вафот этибдилар. Оналари бир ташкилотда фаррош бўлиб ишлар эканлар. Топганларини рўзғорга зўрға етказаётган ва 3 нафар фарзанднинг онаси бўлган опамиз, яхши ниятлар билан институтнинг юқори курсида таҳсил олаётган қизининг ўқиши учун пул топиш ҳаракатида жон куйдириб юрган эканлар. Аллоҳ насиб қилган экан, сизларнинг эҳсонларингизни шу оилага сарфлашга қарор қилдик. Рози бўлгайсизлар.
Бундан ташқари эҳтиёжманд яна 2 нафар талабанинг контрактини тўлашда маълум бир қисми учун ёрдам берилди. Хусусан, бир ОТМдаги дўстларимиз 1-курсга қабул қилинган талаба синглимизнинг контракти учун ўқитувчилар пул йиғишгани ва яна маълум бир қисми етмай тургани ҳақида айтишганди, етмаётган 2 млн 529 минг сўм ўтказиб берилди. 500 минг сўм ҳам худди шу каби мақсадда сарфланди.
Ҳозирча пластик картада 1 млн 168 минг сўм қолдиқ бор. Балки йиғилиб бораверса, 2-семестрда ҳам эҳтиёжмандлар учун ишлатармиз. Бунисини вақт кўрсатади.
Аллоҳ барча эҳсонларингизни даргоҳида қабул қилган бўлсин. Саҳоватли инсонлар кўпаяверсин, илоҳим.
Каналга уланиш: 👇
https://t.me/joinchat/AAAAAEe1KDC7Hm03UPVooQ