Умра зиёратидаги транспорт масалалари ва таассуротлар

Ваъда қилганимдек, Умра зиёратидан айрим таассуротларимни ёзмоқчиман. Сафар пайти бунинг имкони бўлмади, чунки у ерда ҳар бир дақиқангизни қизғонасиз.

Дастлаб, транспорт масаласи.

Ўзбекистонлик зиёратчилар Умра сафарига «Uzbekistan Airways»нинг чартер рейсларида боришмоқда. Ҳар куни 2 тадан рейсда тахминан 470 киши боряпти. Биз Boeing 757 самолётида бориб, қайтдик.

Тошкент халқаро аэропортда Умра сафарига кетувчилар алоҳида залда рўйхатга олинмоқда.

Мадина шаҳрида зиёратчиларни Ўзбекистон ёллаган ширкатнинг туристик автобуслари кутиб олади. Умуман олганда сафар давомида ҳар бир гуруҳга алоҳида автобус бириктирилади ва барча жойга олиб юради, бунда муаммо йўқ. Масалан, Мадинадан Маккага бориш-келиш, ушбу икки шаҳардаги муқаддас қадамжоларни зиёрат қилдириш ва ҳ.к.

Мабодо қўшимча зарурат туғилса, таксидан фойдаланиш ҳам мумкин. Масалан, биз Макка шаҳрида 12 км масофага киши бошига тахминан 30 минг сўмга бориб-келдик. Лекин Умра давомида деярли қўшимча транспортга зарурият бўлмайди.

👉 @xushnudbek 👈