Туғруқхоналарда эшитишни скрининг қилиш йўлга қўйилади

Президент соғлиқни сақлаш вазири Бекзод Мусаевга 1 ой муддатда барча туғруқхоналарда эшитишни скрининг қилувчи жиҳозлар билан таъминлаш бўйича қарор лойиҳаси тайёрлашни топширди. Бу билан 60 фоиз эшитиш ногиронлигининг олдини олиш мумкин бўлади.

"Мана ҳозир заиф эшитувчи болалар билан гаплашдим. Кўзларидан гаплашгиси келиб, ёниб турибди, аммо фикрини айтолмайди. Бу ахир қанчалар мусибат. Буни бошидан олдини олишимиз керак. Катта бўлиб кетгандан кейин бу болалар учун ҳам, уларнинг ота-онаси учун ҳам, қолаверса, давлат учун ҳам қийин бўлади”, - деди Шавкат Мирзиёев.

👉 @xushnudbek 👈