Тест натижаларидаги энг юқори ўтиш бали нимани англатади
САВОЛ: Mening bir savolim bor edi, hozirgina 3-avgust kuni qayd etilgan test natijalari bilan tanishdim. Eng yuqori kontrakt o'tish bali 153.4 ekan. Lekin mening jiyanim kecha ADU ga imtihon topshirib 155.5 ball bilan kontrakt bo'ldi. Biroz tushunarsiz holatga duch keldik. Bu holatga aniqlik kiritib berishingizni iltimos qilgan bo'lardim. Oldindan rahmat
ЖАВОБ: Шу каби саволлар анча кўп берилмоқда. Шу сабабли мазкур вазиятга қисқа изоҳ беришга ҳаракат қиламан.
Ҳар куни тест натижлари чиқишидан аввал Бош вазир ўринбосари Азиз Абдухакимов ўзининг Facebook саҳифасида кириш баллари ҳақида маълумот бериши анъанага айланди.
Тўлов-контракт бўйича энг юқори ўтиш бали дегани бу контрактга кирганлар орасидан энг баланд балл тўплаган абитуриент дегани эмас. Бу ерда контрактга кириш чизиғи ҳақида гап кетмоқда.
Масалан, кеча Миллий университетнинг Тарих факультетида контрактга кириш бали 153,4 бўлган ва бу энг юқори кўрсаткич. Демак, қолган йўналишларнинг барчасида 153,3 балл тўплаган абитуриент контрактга кирган, хусусан жиянингиз ҳужжат топширган АДУда ҳам. Лекин ЎзМУ Тарихида 153,3 балл тўплаган абитуриент ўқишга кира олмаган.
Энг юқори ўтиш бали деганда айнан мана шу тушунилади, бюджетга киролмасдан контрактнинг биринчи ўринида турган абитуриентнинг балини тушунманг.
Каналга уланиш: 👇
https://t.me/xushnudbek