Талабаларга имтиёзли чипталарни онлайн сотиш режалаштирилмоқда

Келгусида талабаларга имтиёзли чипталарни ҳам онлайн сотиб олиш имкони яратилади

Ҳозирда имтиёзли (чегирмали) чипталарни онлайн сотиб олишнинг имкони йўқ. Бунинг учун талабалар ёки аҳолининг бошқа имтиёзли тоифаси албатта кассаларга бориши, керакли маълумотномаларни шахсан топшириши керак бўлади. Бу эса ўз навбатида овогарчиликлар ва катта навбатларни келтириб чиқаради.

ХПК сессиясида шу ҳақда ҳам савол берилди. Бу саволга «Ўзбекистон темир йўллари» АЖ бўлим бошлиғи Фозил Шарипов жавоб берар экан, ҳақиқатдан ҳозирда имтиёзли чипталарни сотиб олиш, муддатини ўзгартириш ёки қайтаришнинг онлайн имкони йўқлигини таъкидлаб, лекин келгусида электрон чипта сотиш тизимига босқичма-босқич мана шундай функцияни қўшиш режалаштирилаётганини маълум қилди. Лекин бу айнан қачон бўлишига аниқлик киритилмади.

Умид қиламизки, мутасаддилар кўп чўзмасдан, бюрократияни бир четга суриб, чегирмали чипта сотиш тизимини ҳам электронлаштира олишади. Бунинг техник ечимини топиш мумкин ва бу унчалик қийин иш эмас.

👉@xushnudbek👈