Шавкат Мирзиёев 61 ёшга тўлди
Бугун Ўзбекистон Республикаси Президенти Шавкат Мирзиёев 61 ёшга тўлди.
Шунчаки рақамлар:
Шавкат Мирзиёев 2016 йил 8 сентябрдан буён, яъни Ўзбекистон Республикаси Президенти вазифасини бажарувчи этиб тайинланган кундан буён то бугунгача 81 та қонун, 650 дан ортиқ фармон ҳамда 1300 га яқин қарорга имзо чеккан.
Бундан 684 кун олдин, яъни 2016 йил 8 сентябрь куни Шавкат Миромонович Ўзбекистон Республикаси Президенти вазифасини бажарувчи этиб тайинланган эди.
597 кун олдин, яъни 2016 йил 4 декабрь куни умумхалқ сайловида 88,61 фоиз овоз билан Президент сифатида сайланган эди.
587 кун олдин, яъни 2016 йил 14 декабрь куни Олий Мажлис палаталари қўшма мажлиси вақтида инаугурация маросими бўлиб ўтган ҳамда Шавкат Мирзиёев Ўзбекистон Республикаси Президенти сифатида қасамёд қабул қилган эди.
Конституциямизнинг 92-моддасига биноан, Президент Олий Мажлис йиғилишида қасамёдни қабул қилган пайтдан бошлаб ўз лавозимига киришган ҳисобланади.
Демак, яна 13 кундан сўнг Шавкат Мирзиёев расман Ўзбекистон Республикаси Президенти лавозимига киришганига 600 кун тўлади.
Каналга уланиш: 👇
https://t.me/xushnudbek
