Профилактика инспекторлари юридик соҳада ўқитилади

Уч йилдан ортиқ стажга эга профилактика инспекторлари юридик соҳага ўқитилади

Муҳокама учун эълон қилинган Ҳукумат қарори лойиҳасига кўра, 2021-2022 ўқув йилидан бошлаб Тошкент давлат юридик университети, юридик факультети мавжуд бўлган олий таълим муассасалари ҳамда Жамоат хавфсизлиги университетига ички ишлар органларида уч йилдан ортиқ иш стажига эга бўлган, касбига фидойи, ташаббускор профилактика (катта) инспекторларини сиртдан ўқишга қабул қилиш тартиби жорий этилиши мумкин.

Лойиҳага мувофиқ:

✅ сиртқи таълим шаклига ўқишга кириш учун ҳар йили 200 нафар профилактика (катта) инспекторларига тавсияномалар бериш;
✅ уларнинг шартнома маблағларини республика бюджети ҳисобидан тўлаб бериш;
✅ тавсияномага эга профилактика (катта) инспекторларини таълим муассасаларининг сиртқи таълим шаклига қабул квоталаридан ташқари ўқишга қабул қилиш тартиби жорий этилиши назарда тутилган.

Мазкур тартиб асосида битирувчиларга ички ишлар органларида камида беш йил ишлаб бериш мажбурияти юклатилади.

👉 @xushnudbek 👈