Ўзбекистонда коронавирусга чалинганлар сони 3036 нафарга етди

Бепарво бўлишни бошладик. Бугуннинг ўзида 46 нафар коронавирусга чалинган фуқаролар аҳоли орасидан аниқланди.

22 май соат 23:00 ҳолатига кўра, Ўзбекистонда коронавирус инфекцияси қайд этилганлар сони 3036 нафарни ташкил қилмоқда. Бугун Самарқанд, Навоий ва Тошкент вилоятида аҳоли ўртасида коронавирусга чалинганлар аниқланган.

Айни пайтда юртимизда 2492 нафар коронавирус инфекциясига чалинган фуқаролар бутунлай соғайди. Ҳозирда мамлакатимизда даволаниш кўрсаткичи 82 фоизни ташкил этмоқда.

Менимча, бироз енгил тин олдик, бепарво бўлишни бошладик. Аҳоли ўртасида коронавирус аниқланаётгани одамни хавотирга солади. Ишқилиб, шунча меҳнат ва саъй-ҳаракат йўққа чиқмасин-да. Ҳушёрроқ бўлайлик, илтимос. Ҳали "душман" тўлиқ таслим бўлгани йўқ, шуни унутмайлик.

👉 @xushnudbek 👈