Ўзбекистон футзал бўйича жаҳон чемпионатига йўлланма олди

Ўзбекистон футзал бўйича жаҳон чемпионатига йўлланма олди

Футзал бўйича Ўзбекистон миллий жамоаси 2021 йил 13 сентябрь – 3 октябрь кунлари Литвада ўтадиган жаҳон чемпионатида қатнашадиган бўлди. Бу ҳақда ОФК хабар берди.

Хабарда таъкидланишича, жаҳон чемпионатига саралаш вазифасини ўташи керак бўлган Осиё чемпионати пандемия сабаб аввалига Туркманистонда, кейинчалик Кувайтда ўтказилмади ва ҳозирда бутунлай бекор қилинди.

Бироқ FIFA 2020 йил ўтиши керак бўлган ва бир йилга қолдирилган жаҳон чемпионатини ўтказишини маълум қилди. ОФК эса мусобақага жамоаларни саралаб юборишга қарор қилди ва Ўзбекистон, Эрон ҳамда Японияга саралашсиз йўлланма берди.

Эслатиб ўтамиз, футзал терма жамоамиз учун бу иккинчи Жаҳон чемпионати бўлади. Ўтган сафар 2016 йилда йигитларимиз гуруҳ босқичида 3 ўйинда 1 очко олган эди.

Бу сафарги ЖЧда футзалчиларимизга чин дилдан омад тилайман!

👉 @xushnudbek 👈