Ўзбекистон делегацияси Токио Олимпиадасига жўнаб кетди

Ўзбекистон делегацияси Японияга йўл олди

Бугун Токио шаҳрида бўлиб ўтадиган ХХХII ёзги Олимпия ўйинларида иштирок этадиган Ватанимиз делегацияси Японияга жўнаб кетди. Делегация Ислом Каримов номидаги Тошкент халқаро аэропортида тантанали кузатиб қўйилди.

Маросимда Олий Мажлис Сенати раиси Танзила Нарбаева, Бош вазир Абдулла Арипов, Бош вазир ўринбосари - туризм ва спорт вазири, делегация раҳбари Азиз Абдуҳакимов ҳамда Рустам Шоабдураҳмонов бошчилигидаги МОҚ раҳбарияти, спортчиларимиз ва уларнинг яқинлари иштирок этди.

Делегация махсус ажратилган чартер рейс билан «Boeing 787 Dreamliner» ҳаво кемасида Токиога йўл олди.

Эслатиб ўтамиз, Токио-2020 Олимпия ўйинлари 23 июль – 8 август кунлари бўлиб ўтади. Ўзбекистон 17 спорт турида 71 та лицензия қўлга киритган.

Ватанимиз жамоасининг юзи ёруғ бўлсин, илоҳим.

👉 @xushnudbek 👈