Ўқишни кўчириш бўйича қўшимча тест синовлари ўтказилади

❗️Диққат, шошилинч эълон!

Хорижий ва нодавлат олий таълим муассасаларидан ўқишини республика олий таълим муассасаларига кўчириш учун рўйхатдан ўтган (ариза берган) ҳамда 2020 йил 5-6 сентябрь кунлари узрли сабабларга кўра онлайн тест синовларида иштирок эта олмаган талабалар ва уларнинг ота-оналарини кўплаб мурожаатларига асосан улар учун онлайн тест синовлари ўтказилади. Бу ҳақда Олий ва ўрта махсус таълим вазирлиги маълум қилди.

👉 Онлайн тест топширадиган мазкур талабалар ҳудудий жойлашуви бўйича белгиланган жойлардан тест синовларида қатнашиши мумкин.

⏰Онлайн тестлар эртага, яъни 7 сентябрь куни соат 10.00 да бўлади. Мазкур онлайн тест ўтказиладиган жой(бино)га соат 9.00 да етиб бориш лозим.

Эслатма:

➡️Тошкент шаҳридаги ушбу тоифадаги талабалар Тошкент давлат ўзбек тили ва адабиёти университетига,

➡️Фарғона вилоятидаги ушбу тоифадаги талабалар Фарғона давлат университетига боришлари лозим.

➡️Бошқа ҳудудлардаги ушбу тоифадаги талабалар рухсатномасида кўрсатилган жойларда иштирок этишларини сўраймиз.

👉 @xushnudbek 👈